കോവളം: പൂങ്കുളം കോളിയൂരില്‍ ഗുണ്ടാസംഘം വീടുകയറി നടത്തിയ ആക്രമണത്തില്‍ ഗൃഹനാഥന്‍ അടിയേറ്റുമരിച്ചു. വെട്ടേറ്റ് ഗുരുതരമായി പരുക്കേറ്റ ഭാര്യയെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. 

കോളിയൂര്‍ തൊട്ടില്‍പ്പാലം ചാനല്‍ക്കര ചരുവിളപുത്തന്‍വീട്ടില്‍ സാമുവല്‍നാടാറിന്റെ മകന്‍ മേരിദാസന്‍(50) ആണ് മരിച്ചത്. തലയ്ക്കും കഴുത്തിനും വെട്ടേറ്റ ഭാര്യ ഷീജയെ (40) മെഡിക്കല്‍ കോളജ് ആശുപത്രിയില്‍ അടിയന്തര ശസ്ത്രക്രിയക്ക് വിധേയയാക്കി.