തൃശൂര്‍: ബി.ജെ.പി സര്‍ക്കാരിനെ പുറത്താക്കൂ, രാജ്യത്തെ രക്ഷിക്കൂ എന്ന പ്രമേയത്തില്‍ എല്‍.ഡി.എഫ് സംഘടിപ്പിച്ച കേരള സംരക്ഷണ ജാഥകള്‍ ഇന്ന് തൃശൂരില്‍ സമാപിക്കും. സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍ നയിച്ച തെക്കന്‍ മേഖലാ ജാഥയും സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍ നയിച്ച വടക്കന്‍ മേഖലാ ജാഥയുമാണ് ഇന്ന് തേക്കിന്‍കാട് മൈതാനിയിലെ വിദ്യാര്‍ഥി കോര്‍ണറില്‍ പൊതുസമ്മേളനത്തോടെ സമാപിക്കുന്നത്. വൈകിട്ട് നാലിന് മുഖ്യമന്ത്രി പിണറായി വിജയന്‍ സമാപന സമ്മേളനം ഉദ്ഘാടനം ചെയ്യും. സമാപനത്തിന്റെ ഭാഗമായി ലക്ഷം പേരുടെ റാലിയും സംഘടിപ്പിച്ചിട്ടുണ്ട്.