ഫറോക്ക് : പാമ്പുകടിയേറ്റ് ചികിത്സയിലായിരുന്ന ബേപ്പൂര്‍ വനശ്രീയിലെ ജീവനക്കാരനും പാമ്പുപിടുത്ത വിദഗ്ധനുമായ ബേപ്പൂര്‍ വെളളൂര്‍ മഠത്തില്‍ സജീവന്‍(50) മരിച്ചു.
രണ്ടരമാസം മുന്‍പ് ഒളവണ്ണയില്‍ മൂര്‍ഖന്‍പാമ്പിനെ പിടിക്കാനുളള ശ്രമത്തിനിടയിലാണ് ഇദ്ദേഹത്തിനു കടിയേറ്റത്. തുടര്‍ന്നു കോഴിക്കോട്ടെ സ്വകാര്യ ആശുപത്രിയില്‍ ചികിത്സയിലായിരുന്ന ഇദ്ദേഹം കഴിഞ്ഞ ആഴ്ചയാണു വീട്ടിലെത്തിയത്. മൂര്‍ഖന്റെ കടിയേറ്റതിനു ശേഷം ചെറിയതോതില്‍ മാനിസകാസ്വാസ്ഥ്യം പ്രകടിപ്പിച്ച ഇദ്ദേഹം ഇന്നലെ രാവിലെയാണ് മരണപ്പെട്ടത്. അച്ഛന്‍: കുറ്റ്യാടി നിട്ടൂര്‍ വിശ്വനാഥ നമ്പീശന്‍, അമ്മ: രമണി, ഭാര്യ: ലില്ലി (അങ്കണവാടി ടീച്ചര്‍), മക്കള്‍: നെവിന്‍, നെല്‍സി.