പാനൂര്‍: എലാങ്കോട് മുസ്‌ലിം ലീഗ് ഓഫിസിന് നേരെ കരിഓയില്‍ പ്രയോഗം. എലാങ്കോട് ടൗണിലുള്ള മുഫീദ്, മുനീര്‍ സ്മാരക ലീഗ് ഓഫിസിനു നേരെയാണ് ഇന്നലെ പുലര്‍ച്ചെ സാമൂഹ്യ ദ്രോഹികള്‍ കരിഓയില്‍ പ്രയോഗം നടത്തിയത്. തൊട്ടടുത്ത് സ്ഥാപിച്ച എലാങ്കോട് സ്വാന്ത്വന സ്പര്‍ശം നടത്തുന്ന ഗ്രാമോത്സവത്തിന്റെ പ്രചരണബോര്‍ഡും അക്രമികള്‍ തകര്‍ത്തിട്ടുണ്ട്. സംഭവത്തില്‍ ശാഖാ ലീഗ് ഭാരവാഹികളുടെ പരാതിയില്‍ പാനൂര്‍ പൊലിസ് കേസെടുത്തു. ഓഫിസിന് നേരെ നടന്ന സാമൂഹ്യ ദ്രോഹികളുടെ കരി ഓയില്‍ പ്രയോഗത്തില്‍ മുസ്‌ലിം ലീഗ് എലാങ്കോട് ശാഖാ കമ്മിറ്റി പ്രതിഷേധിച്ചു.