ശ്രീകണ്ഠപുരം: 20ഗ്രാം കഞ്ചാവുമായി യുവാവിനെ എക്‌സൈസ് സംഘം അറസ്റ്റുചെയ്തു. വയത്തൂര്‍ പുറവയലിലെ റോബിന്‍(30) ആണ് പിടിയിലായത്. മലയോര മേഖലയില്‍ വിദ്യാര്‍ഥികളെ കേന്ദ്രീകരിച്ച് കഞ്ചാവ് എത്തിക്കുന്നത് ഇയാളാണെന്ന് സൂചനയുണ്ടായിരുന്നു. ഇതേതുടര്‍ന്ന് ഇടപാടുകാരനെന്ന വ്യാജേന എക്‌സൈസ് ഉദ്യോഗസ്ഥരായ എം.വി അശ്രഫ്, ഉജേഷ് എന്നിവര്‍ ഇയാളെ സമീപിക്കുകയായിരുന്നു. തുടര്‍ന്ന് കഞ്ചാവ് സഹിതം എക്‌സൈസ് ഇന്‍സ്‌പെക്ടര്‍ സി.സി ആനന്ദകുമാറിന്റെ നേതൃത്വത്തില്‍ പിടികൂടുകയായിരുന്നു.