അത്താണി: കഞ്ചാവ് വലിക്കരുതെന്ന് ഉപദേശിച്ചതിന് യുവാക്കള്‍ തൊഴിലാളിയെ വെട്ടിപ്പരുക്കേല്‍പ്പിച്ചതായി പരാതി. തിരൂര്‍ കിഴക്കേഅങ്ങാടി പുളിക്കാം പുറത്ത് സുരേന്ദ്രനാണ് (55) വെട്ടേറ്റത്.
പൂമല മലവായിയില്‍ ജോലിക്കെത്തിയ സുരേന്ദ്രന്‍ പാതയോരത്ത് കഞ്ചാവ് വലിക്കുന്ന യുവാക്കളെ വലിക്കരുതെന്ന് ഉപദേശിച്ചുവത്രെ. ഇതില്‍ പ്രകോപിതരായാണ് സംഘം ആക്രമണം നടത്തിയത്.
കൈയിലും മുതുകിലും വെട്ടേറ്റ സുരേന്ദ്രനെ മുളങ്കുന്നത്ത് കാവ് മെഡിക്കല്‍ കോളജില്‍ അടിയന്തര ശസ്ത്രക്രിയക്ക് വിധേയനാക്കി.