വാഷിങ്ടണ്‍: ചൈനീസ് പ്രസിഡന്റ് ഷി ജിന്‍പിങ്ങുമായുള്ള ഡൊണാള്‍ഡ് ട്രംപിന്റെ ആദ്യ കൂടിക്കാഴ്ച ഫ്‌ളോറിഡയിലെ മാരാ ലാഗോ റിസോര്‍ട്ടില്‍ നടന്നു. ഗായികയായ ഭാര്യ പെങ് ലിയുവാനുമൊപ്പമാണ്ഷി ജിന്‍പിങ് സന്ദര്‍ശനത്തിനെത്തിയത്. വിരുന്നില്‍ ട്രംപിന്റെ ഭാര്യയും പ്രഥമ വനിതയുമായ മെലേനിയ ട്രംപും പങ്കെടുത്തു.
ഉ.കൊറിയയുടെ മിസൈല്‍ പരീക്ഷണമടക്കമുള്ള വിഷയങ്ങളില്‍ അമേരിക്ക ചൈനക്ക് മുന്നറിയിപ്പു നല്‍കിയതിനുപിന്നാലെയാണ് ഇരുരാഷ്ട്രത്തലവന്മാരും കൂടിക്കാഴ്ച നടത്തിയത്. വ്യാപാരരംഗത്ത് സഹകരണം ശക്തമാക്കണമെന്ന് ആവശ്യപ്പെട്ട ഷി ജിന്‍പിങ് ട്രംപിനെ ചൈനയിലേക്ക് ക്ഷണിക്കുകയും ചെയ്തു.