വാല്പ്പാറയില് കുടുങ്ങിയ പുലിയെ മുതുമലയില് തുറന്നുവിടുന്നതില് പ്രതിഷേധം
ഊട്ടി: വാള്പ്പാറയിലെ സിങ്കോണ എസ്റ്റേറ്റില് നിന്ന് പിടികൂടിയ പുലിയെ മുതുമല കടുവാ സങ്കേതത്തില് വിടുന്നതിനെതിരെ നാട്ടുകാര്.
സിങ്കോണ എസ്റ്റേറ്റില് പുലി ശല്യം രൂക്ഷമായതിനെ തുടര്ന്ന് വനംവകുപ്പ് സ്ഥാപിച്ച കെണിയില് കുടുങ്ങിയ പുലിയെ വണ്ടലൂര് വന്യമൃഗസംരക്ഷണ കേന്ദ്രത്തിലേക്കോ സേലത്തുള്ള കാഴ്ച ബംഗ്ലാവിലേക്കോ കൊണ്ടുപോകാനായിരുന്നു തീരുമാനം.
എന്നാന് പിന്നീട് തീരുമാനത്തില് മാറ്റംവരുത്തി മുതുമല കടുവാ സങ്കേതത്തില് വിടാന് അധികൃതര് തീരുമാനിക്കുകയായിരുന്നു. ഇതില് പ്രതിഷേധിച്ച് നീലഗിരിയിലെ സന്നദ്ധ സംഘടനകളും നാട്ടുകാരും രംഗത്തെത്തിയിരിക്കുകയാണ്.
മനുഷ്യ രക്തം രുചിച്ച പുലിയെ പുറത്തുവിട്ടാല് വീണ്ടും ജനവാസ കേന്ദ്രങ്ങളിലെത്തി മനുഷ്യരെ ആക്രമിച്ചു കൊല്ലാന് ഇടവരുമെന്നാണ് ഇവര് പറയുന്നത്. മാസങ്ങള്ക്ക് മുമ്പ് വാള്പ്പാറയിലെ നടുമല എസ്റ്റേറ്റിലെ നാലു വയസുകാരനെ പുലി കടിച്ചു കൊന്നിരുന്നു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."