പാറശാല: ധനുവച്ചപുരത്തു വീണ്ടും വിദ്യാര്‍ഥി സംഘര്‍ഷം. നാലു വിദ്യാര്‍ഥികളെ പരുക്കുകളോടെ ആശുപത്രിയില്‍ പ്രവേശിപ്പിച്ചു. ഒരിടവേളയ്ക്കു ശേഷമാണ് ധനുവച്ചപുരത്ത് എ.ബി.വി.പി- എസ്.എഫ്.ഐ സംഘര്‍ഷം തുടങ്ങിയിരിക്കുന്നത്. ധനുവച്ചപുരം എന്‍.എസ്.എസ് സ്‌കൂളിലെ എ.ബി.വി.പിയുടെ വാര്‍ഷികാഘോഷങ്ങളുടെ ഭാഗമായി നടന്ന പദയത്രക്കിടെയാണ് ഇരുവിഭാഗങ്ങള്‍ തമ്മില്‍ സംഘര്‍ഷമുണ്ടായത്. പദയാത്ര കടന്നുപോകുന്നതിനിടെയിലേക്ക് ഐ.എച്ച്.ആര്‍.ടിയിലെ എസ്.എഫ്.ഐ വിദ്യാര്‍ഥികള്‍ കല്ലെുറിഞ്ഞുവെന്ന് ആരോപിച്ച് എ.ബി.വി.പി പ്രവര്‍ത്തകര്‍ കോളജിലേക്ക് കല്ലെറിയുകയായിരുന്നു.
തുടര്‍ന്ന് ഇരുഭാഗത്തേക്കും കല്ലേറുണ്ടായി. കല്ലേറില്‍ പരുക്കേറ്റവര്‍ പാറശാല താലൂക്ക് ആശുപത്രിയിലും കാരക്കോണം മെഡിക്കല്‍ കോളജിലുമായി ചികിത്സയിലാണ്. സംഘര്‍ഷത്തെ തുടര്‍ന്ന് വന്‍ പൊലിസ് സംഘം സ്ഥലത്തെത്തി.