എകരൂല്‍ : 'ലോക്ഡൗണ്‍ കാലത്ത് അഞ്ചില്‍ കൂടുതല്‍ ആളുകള്‍ കൂട്ടം കൂടി നില്‍ക്കരുത്. അത് കടയില്‍ അവശ്യ സാധനങ്ങള്‍ വാങ്ങാന്‍ പോവുകയാണെങ്കില്‍ പോലും.'- ആരോഗ്യ പ്രവര്‍ത്തകരും സര്‍ക്കാരുകളും നമ്മളോട് ആവശ്യപ്പെടുന്നത് ഇതാണ്.

ഇവിടെ അത് അക്ഷരം പ്രതി അനുസരിക്കുന്നത് പോലെ സാമൂഹിക അകലം പാലിച്ച് നില്‍ക്കുകയാണ് കുറച്ച് പൂച്ചകള്‍. വിശപ്പിന്റെ വിളിയില്‍ പോലും ഇഷ്ട ഭക്ഷണമായ മീനിനുവേണ്ടി കാത്തിരിക്കുന്ന പൂച്ചകളാണ് കൗതുകകാഴ്ച്ച സമ്മാനിച്ചത്. ഈ ചിത്രം സമൂഹമാധ്യമങ്ങളില്‍ വൈറലായിരിക്കുകയാണ്.

ഉണ്ണികുളം പഞ്ചായത്ത് 18 ആം വാര്‍ഡ് ഇയ്യാട് അങ്ങാടിയിലെ മീന്‍ കടയില്‍ ആണ് സംഭവം. എല്ലാ ബോധ വല്‍ക്കരണം ഉണ്ടായിട്ടു പോലും മനുഷ്യര്‍ കൂടി ചേര്‍ന്ന് നില്‍ക്കുമ്പോള്‍ പ്രതിരോധ പ്രവര്‍ത്തനങ്ങളില്‍ തങ്ങളാല്‍ കഴിയുന്ന സാമൂഹിക അകലം പാലിച്ചു നില്‍ക്കുന്ന പൂച്ചകളെ നമുക്കും മാതൃകയാക്കാം.