തലശ്ശേരി: വീട്ടില്‍ അതിക്രമിച്ചുകയറി പെണ്‍കുട്ടിയെ പീഡിപ്പിച്ച് ഗര്‍ഭിണിയാക്കിയെന്ന കേസില്‍ പ്രതിയെ 14 വര്‍ഷം കഠിനതടവിനും ഒരുലക്ഷം രൂപ പഴയടയ്ക്കാനും കോടതി ശിക്ഷിച്ചു. മട്ടന്നൂര്‍ കോളാരിയിലെ പനയന്‍ വീട്ടില്‍ രത്‌നാകരന്‍ എന്ന ഗംഗനാണ് അഡീഷണല്‍ ജില്ലാ കോടതി ജഡ്ജി പി.എന്‍ വിനോദ് ശിക്ഷ വിധിച്ചത്. വീട്ടില്‍ അതിക്രമിച്ച് കയറിയതിനു ഒരുവര്‍ഷം കഠിനതടവ് വേറെയും അനുഭവിക്കണം. 2006 ഫെബ്രുവരിയിലായിരുന്നു കേസിനാസ്പദ സംഭവം. പെണ്‍കുട്ടിയുടെ വീട്ടില്‍ അതിക്രമിച്ച് കയറി ബലംപ്രയോഗിച്ച് പ്രതിയുടെ വീട്ടില്‍ കൊണ്ടുപോയി പലതവണ പീഡിപ്പിച്ചെന്നാണു കേസ്. ചികിത്സക്കായി കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചപ്പോഴാണു പെണ്‍കുട്ടി ഗര്‍ഭിണിയാണെന്നു തിരിച്ചറിഞ്ഞത്. ഡോക്ടറുടെ നിര്‍ദേശപ്രകാരം മെഡിക്കല്‍ കോളജ് പൊലിസ് കേസെടുക്കുകയും തുടര്‍ന്ന് കേസ് മട്ടന്നൂര്‍ പൊലിസിനു കൈമാറുകയുമായിരുന്നു.