തിരുവനന്തപുരം: വലിയതുറയില്‍ 57 വയസുകാരി ബലാത്സംഗത്തിനിരയായി. ഇന്നലെ പുലര്‍ച്ചയ്ക്ക് വീട്ടില്‍ അതിക്രമിച്ചു കയറിയാണ് ബലാത്സംഗം ചെയ്തത്. സ്ത്രീയുടെ മാലയും പണവും മോഷണം പോയിട്ടുണ്ട്.

ബലാത്സംഗത്തിനിരയായ സ്ത്രീ ചികിത്സ തേടി ആശുപത്രിയിലെത്തിയപ്പോള്‍ സംശയം തോന്നിയ ഡോക്ടറാണ് പൊലിസിനെ വിവരമറിയിച്ചത്. തുടര്‍ന്ന് വൈദ്യ പരിശോധനയില്‍ ബലാത്സംഗം സ്ഥിരീകരിക്കുകയായിരുന്നു.

ചെറുപ്പക്കാരനായ ഒരാളാണ് തന്നെ ആക്രമിച്ചതെന്ന് സ്ത്രീ മൊഴി നല്‍കിയിട്ടുണ്ട്. പൊലിസ് കേസെടുത്ത് അന്വേഷണം ആരംഭിച്ചു. ഫോറന്‍സിക് സംഘം സ്ത്രീയുടെ വീട്ടില്‍ പരിശോധന നടത്തി.