മലപ്പുറം: ഉപതെരഞ്ഞെടുപ്പ് ഫലം ഇടതുപക്ഷത്തിനുള്ള ഷോക്ക് ട്രീറ്റ്‌മെന്റാവുമെന്ന് കോണ്‍ഗ്രസ് നേതാവ് എ.കെ ആന്റണി. കുഞ്ഞാലിക്കുട്ടിയുടെ ജയം ഇന്ത്യയിലെ മതേതര കൂട്ടായ്മക്ക് കരുത്തേകുമെന്നും അദ്ദേഹം പറഞ്ഞു. മലപ്പുറത്ത് മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.

ബി.ജെ.പിയെ നേരിട്ടാന്‍ ഇടതുപക്ഷത്തിനേ സാധിക്കൂ എന്നാണ് മുഖ്യമന്ത്രി പിണറായി വിജയന്‍ പറഞ്ഞത്. ബി.ജെ.പി ഭരിക്കുന്ന ഒരു സംസ്ഥാനത്തും സി.പി.എം പ്രതിപക്ഷപാര്‍ട്ടി പോലുമല്ല. കേരളത്തിലും ത്രിപുരയിലുമല്ലാതെ വേറെയെവിടെയാണ് സി.പി.എം ഇന്ന് അവശേഷിക്കുന്നതെന്നും  ആന്റണി ചൂണ്ടിക്കാട്ടി.

ബിജെപിയെ ഒതുക്കാന്‍ കോണ്‍ഗ്രസിന് പിന്തുണ നല്‍കേണ്ട അവര്‍ എല്ലായിടത്തും ഒറ്റയ്ക്ക് നിന്നു തോല്‍ക്കുകയാണെന്നും അദ്ദേഹം ചൂണ്ടിക്കാട്ടി.