ബദിയഡുക്ക: മാന്യയിലും പരിസര പ്രദേശങ്ങളിലുമായി അറവ് മാലിന്യങ്ങള്‍ തള്ളുന്നതിനിടെ നാട്ടുകാര്‍ പിടികൂടി പൊലിസില്‍ ഏല്‍പിച്ചയാളുടെ അറസ്റ്റ് രേഖപ്പെടുത്തി. ആലമ്പാടി സ്വദേശി സത്താറി(38)നെയാണ് ബദിയഡുക്ക പൊലിസ് അറസ്റ്റ് ചെയ്തത്.
മാലിന്യം കടത്തുകയായിരുന്ന സ്‌കോര്‍പ്പിയോ കാര്‍ കസ്റ്റഡിയിലെടുത്തിരുന്നു.
കഴിഞ്ഞ ദിവസം രാവിലെയാണ് മാന്യ മേഗിനടുക്കയിലെ ജനവാസ കേന്ദ്രത്തില്‍ മാലിന്യം തള്ളാനുള്ള ശ്രമത്തിനിടയിലാണ് ഇയാളെ പിടികൂടിയത്. തുടര്‍ന്ന് ഇയാളെ ജാമ്യത്തില്‍ വിട്ടയച്ചു.