അന്തിക്കാട് : ചെമ്മാപ്പിള്ളി ശ്രീരാമന്‍ചിറ പാടശേഖരത്തിലെ മുണ്ടകന്‍ രണ്ടാംപൂവ് കൃഷിയുടെ കൊയ്ത്തുത്സവം താന്ന്യം ഗ്രാമ പഞ്ചായത്ത് പ്രസിഡന്റ് പി.എസ് രാധാകൃഷ്ണനും അന്തിക്കാട് ഗ്രാമപഞ്ചായത്ത് പ്രസിഡന്റ് എ.വി ശ്രീവത്സനും ചേര്‍ന്ന് നിര്‍വഹിച്ചു. പാടശേഖര സമിതി പ്രസിഡന്റ് പി.വി സുനില്‍കുമാര്‍ അധ്യക്ഷനായി.
82 ഏക്കറില്‍ ഒന്നാം പൂവ് കൃഷിയിറക്കിയിരുന്നെങ്കിലും പ്രളയത്തില്‍ മുഴുവന്‍ കൃഷിയും നശിച്ചുപോയിരുന്നു. സംസ്ഥാന സര്‍ക്കാര്‍ പ്രകൃതി ദുരന്തനിവാരണ പദ്ധതിയിലുള്‍പ്പെടുത്തി ഏക്കറിന് 5400 രൂപ വീതം നഷ്ടപരിഹാരം നല്‍കിയിരുന്നു.
തുടര്‍ന്നാണ് രണ്ടാം പൂവ് മുണ്ടകന്‍ കൃഷിയിറക്കിയത്. അന്തിക്കാട് പഞ്ചായത്ത് വികസനകാര്യ സ്ഥിരം സമിതി അധ്യക്ഷന്‍ എ. ബി. ബാബു, താന്ന്യം പഞ്ചായത്തംഗം പ്രീത ശിവദാസന്‍, പാടശേഖര സമിതി സെക്രട്ടറി വിത്സന്‍ പുലിക്കോട്ടില്‍ സംസാരിച്ചു.