തെഹ്‌റാന്‍: കൊവിഡ് പ്രതിരോധത്തിന്റെ ഭാഗമായി അടച്ചിട്ടിരുന്ന പള്ളികള്‍ തുറക്കാന്‍ ഇറാന്‍. കൊവിഡ് നിയന്ത്രണവിധേയമായ പ്രദേശങ്ങളില്‍ പള്ളികള്‍ തുറക്കുമെന്ന് ഇന്നലെ ഇറാന്‍ പ്രസിഡന്റ് ഹസന്‍ റൂഹാനി പറഞ്ഞു.
ഇറാന്‍ ആരോഗ്യമന്ത്രാലയം കൊവിഡ് വ്യാപനത്തിന്റെ അടിസ്ഥാനത്തില്‍ രാജ്യത്തെ വൈറ്റ്, യെല്ലോ, റെഡ് ഏരിയകളാക്കി തിരിച്ചിരിക്കുകയാണ്. ഇതില്‍ വൈറ്റ് വിഭാഗത്തില്‍പ്പെടുന്ന പ്രദേശങ്ങളിലെ പള്ളികളാണ് ഇന്നുമുതല്‍ ആരാധനയ്ക്കായി തുറക്കുക. ആരോഗ്യവിഭാഗം നിര്‍ദേശിച്ച നിയന്ത്രണങ്ങള്‍ക്കനുസരിച്ച് ഈ പ്രദേശങ്ങളില്‍ ജുമുഅ നിസ്‌കാരവും നടക്കും.