പാലക്കാട് : മെയ് 5, 6 തിയതികളില്‍ നടക്കുന്ന എസ്.ടി.യു അറുപതാം വാര്‍ഷികാഘോഷത്തോടനുബന്ധിച്ചുള്ള പൊതു സമ്മേളനത്തില്‍ പതിനായിരം പേരെ പങ്കെടുപ്പിക്കാന്‍ പാലക്കാട് ശിഹാബ് തങ്ങള്‍ സൗധത്തില്‍ ചേര്‍ന്ന സ്വാഗതസംഘം ഭാരവാഹികളുടെയും സബ് കമ്മിറ്റി  മെമ്പര്‍മാരുടെയും കണ്‍വീനര്‍മാരുടെയും യോഗം തീരുമാനിച്ചു.
സ്വാഗത സംഘം ചെയര്‍മാന്‍ എം.എം. ഹമീദ് അധ്യക്ഷനായ യോഗത്തില്‍ എസ്.ടി.യു. സംസ്ഥാന പ്രസിഡണ്ട് അഹമ്മദ് കുട്ടി ഉണ്ണികുളം, ജനറല്‍ സെക്രട്ടറി അഡ്വ. എം. റഹ്മത്തുള്ള, മുസ്‌ലിംലീഗ് ജില്ലാ പ്രസിഡന്റ് സി.എ.എം.എ കരീം, ജില്ലാ ജനറല്‍ സെക്രട്ടറി കളത്തില്‍ അബ്ദുള്ള എസ്.ടി.യു സംസ്ഥാന വൈസ് പ്രസിഡണ്ട്  എം.എ.മുസ്തഫ, സെക്രട്ടറി പി.എ.ഷാഹുല്‍ ഹമീദ്, കെ.ടി. ഹംസപ്പ, കരിമ്പനക്കല്‍ ഹംസ, മേലാടയില്‍ വാപ്പുട്ടി, കെ.പി.എ. റസ്സാഖ്, കെ.പി. ഉമ്മര്‍, നാസ്സര്‍ പുളിക്കല്‍, കെ.വി.എ. ജബ്ബാര്‍ എന്നിവര്‍ പ്രസംഗിച്ചു.  ഒ.മണികണ്ഠന്‍, നാസ്സര്‍ പാതാക്കര, നസീര്‍ തൊട്ടിയാന്‍, ടി. അബ്ദുല്‍ സമദ്, പി.എ. മുഹമ്മദ് എന്നിവര്‍ സംബന്ധിച്ചു.  സ്വാഗത സംഘം ജനറല്‍ കണ്‍വീനര്‍ കല്ലടി അബൂബക്കര്‍ സ്വാഗതവും ജില്ലാ ജനറല്‍ സെക്രട്ടറി നാസ്സര്‍ കൊമ്പത്ത് നന്ദിയും പറഞ്ഞു.