പുത്തന്‍ചിറ: മണ്ഡലത്തിലെ ഇന്ത്യന്‍ നാഷനല്‍ കോണ്‍ഗ്രസിന്റെ പുതിയതായി തിരഞ്ഞെടുക്കപ്പെട്ട ബൂത്ത് പ്രസിഡന്റുമാര്‍ക്ക് സ്വീകരണവും, ജില്ലാ കോണ്‍ഗ്രസ് കമ്മിറ്റി അംഗീകരിച്ച മിനുറ്റ്‌സ് കൈമാറലും നടത്തി. മണ്ഡലം പ്രസിഡന്റ് വി.എ നദീര്‍ അധ്യക്ഷനായി. സ്വീകരണ സമ്മേളനം ഡി.സി.സി ജനറല്‍ സെക്രട്ടറി ടി.എം നാസര്‍ ഉദ്ഘാടനം ചെയ്തു.
 ബ്ലോക്ക് കോണ്‍ഗ്രസ് പ്രസിഡന്റ് കെ.ഐ നജീബ് പുതിയ ബൂത്ത് പ്രസിഡന്റുമാരെ ആദരിച്ചു. ആന്റണിപയ്യപ്പിള്ളി, ടി.ജി രാജന്‍, ടി.പ്രവീണ്‍, വി.എസ് അരുണ്‍രാജ്, ജിജോ അരീക്കാടന്‍, കെ.പി പ്രജീഷ്, ഗ്രാമപഞ്ചായത്തംഗങ്ങളായ വാസന്തി സുബ്രഹ്മണ്യന്‍, ഷൈല പ്രകാശന്‍, റിഫായ അക്തര്‍, എം.കെ കാഞ്ചന സംസാരിച്ചു.