മഞ്ചേരി: മഴക്കെടുതിമൂലം ഏറനാട്, നിലമ്പൂര്‍ താലൂക്കുകളില്‍ ഭവന നാശം സംഭവിച്ചവര്‍ക്കു നഷ്ടപരിഹാരം നല്‍കുന്നതിനു പ്രാഥമിക നടപടികളൊരുങ്ങുന്നു . ഇതിനായി ഏറനാട് താലൂക്കില്‍ അഞ്ചുലക്ഷം രൂപ ആദ്യഘട്ടമെന്നോണം അനുവദിച്ചു. ഒാരോ വില്ലേജുകളിലും ഭവന നാശം സംബന്ധിച്ച് വില്ലേജ് -പഞ്ചായത്ത് അധികൃതര്‍ നല്‍കുന്ന റിപ്പോര്‍ട്ടിന്റെ അടിസ്ഥാനത്തിലായിരിക്കും നഷ്ടപരിഹാര തുക വിതരണം ചെയ്യുക.
കാറ്റിലും മഴയിലും ഏറനാട് താലൂക്കില്‍ നാല് ലക്ഷം രൂപയുടെ നാശനഷ്ടം സംഭവിച്ചതായാണ് പ്രാഥമിക വിലയിരുത്തല്‍.
നിലമ്പൂര്‍ താലൂക്കില്‍ പ്രാഥമികമായി രണ്ട് ലക്ഷം നഷ്ടപരിഹാരം നല്‍കുന്നതിനായി അനുവദിച്ചിട്ടുണ്ട്. നിലമ്പൂര്‍ പുള്ളിപ്പാടം, അകമ്പാടം വില്ലേജുകളിലാണ് കൂടുതല്‍ നാശനഷ്ടം ഉണ്ടായത്. ഭാഗികമായി വീടുകള്‍ തകര്‍ന്നതാണ് കൂടുതലും.