മലപ്പുറം: ജില്ലാ ലൈബ്രറി കൗണ്‍സില്‍ വായനാപക്ഷാചരണത്തിന്റെ ജില്ലാതല ഉദ്ഘാടനം ഇന്നു നടക്കും. പി.എന്‍ പണിക്കരുടെ ചരമദിനമായ ജൂണ്‍ 19നു വായനാ ദിനത്തില്‍ ആരംഭിച്ച് ഐ.വി ദാസിന്റെ ജന്മദിനമായ ജൂലൈ ഏഴിന് അവസാനിക്കുന്ന രീതിയിലാണ് വായനാപക്ഷാചരണം.
ഇന്ന് ഉച്ചയ്ക്കു രണ്ടിന് അരിയല്ലൂര്‍ ജി.യു.പി സ്‌കൂളില്‍ കവി വി.വി രാമകൃഷ്ണന്‍ ഉദ്ഘാടനം ചെയ്യും.
സ്‌കൂള്‍ ലൈബ്രറിക്കു പുസ്തകക്കിറ്റ് കൈമാറ്റം ജില്ലാ വിദ്യാഭ്യാസ ഡെപ്യൂട്ടി ഡയരക്ടര്‍ (ഇന്‍ചാര്‍ജ്) കെ. ശശിപ്രഭ നിര്‍വഹിക്കും. വായനാപക്ഷാചരണത്തോടനുബന്ധിച്ചു സ്‌കൂള്‍ വിദ്യാര്‍ഥികള്‍ക്കുള്ള വായനാ മത്സരങ്ങളുടെ പ്രാഥമിക മത്സരം അടുത്ത മാസം ആരംഭിക്കും.