കണ്ണൂര്‍: എസ്.കെ.എസ്.എസ്.എഫ് നാഷനല്‍ കാംപസ് കാളിന് കണ്ണൂര്‍ രാമന്തളിയില്‍ തുടക്കമായി. ഭൗതിക കലാലയ വിദ്യാര്‍ഥികളുടെ ഉപവിഭാഗമായ കാംപസ് വിങിന്റെ വാര്‍ഷിക സമ്മേളനമാണ് നാഷനല്‍ കാംപസ് കാള്‍. ഇന്നലെ നടന്ന മജ്‌ലിസുന്നൂര്‍ ആത്മീയ സദസിന് ഹസന്‍ സഖാഫി പൂക്കോട്ടൂര്‍ നേതൃത്വം നല്‍കി. ശേഷം നടന്ന പ്രാരംഭ സമ്മേളനത്തില്‍ സത്താര്‍ പന്തലൂര്‍ വിദ്യാര്‍ഥികളെ അഭിസംബോധന ചെയ്തു. ആത്മാവിന്റെ സംഗീതം, ഇസ്‌ലാം: ആദര്‍ശവും അനുഷ്ടാനവും എന്നീ വിഷയങ്ങളില്‍ നടന്ന സെഷനുകള്‍ക്ക് ഡോ. സാലിം ഫൈസി കൊളത്തൂര്‍, അബ്ദുല്‍ വഹാബ് ഹൈതമി നേതൃത്വം നല്‍കി.
ഇന്ന് നടക്കുന്ന ഡെലിഗേറ്റ്‌സ് മീറ്റ് സമസ്ത ജന. സെക്രട്ടറി കെ.ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. പാണക്കാട് സയ്യിദ് ഹമീദലി ശിഹാബ് തങ്ങള്‍ അധ്യക്ഷനാകും. സയ്യിദ് അബ്ബാസലി ശിഹാബ് തങ്ങള്‍, പി.കെ.പി അബ്ദുസ്സലാം മുസ്‌ലിയാര്‍, കൊയ്യോട് ഉമര്‍ മുസ്‌ലിയാര്‍, മാണിയൂര്‍ അഹ്മദ് മുസ്‌ലിയാര്‍ സംബന്ധിക്കും. റഹ്മത്തുല്ലാ ഖാസിമി മൂത്തേടം, അബ്ദുല്‍ ഹമീദ് ഫൈസി അമ്പലക്കടവ്, അബ്ദുല്‍ ഹകീം ഫൈസി ആദൃശ്ശേരി, ഓണംപിള്ളി മുഹമ്മദ് ഫൈസി, എസ്.വി മുഹമ്മദലി, ബഷീര്‍ ഫൈസി ദേശമംഗലം, അബ്ദുസലാം ഫൈസി ഒളവട്ടൂര്‍, കമാല്‍ കുട്ടി ഐ.എ.എസ്, ഡോ. സലീം നദ്‌വി വെളിയമ്പ്ര, ആസിഫ് ദാരിമി പുളിക്കല്‍, അന്‍വര്‍ സാദിഖ് ഫൈസി താനൂര്‍, റഫീഖ് ചെന്നൈ, ഷിയാസ് അഹ്മദ് ഹുദവി, സല്‍മാന്‍ ഫൈസി, മുഹമ്മദ് ജൗഹര്‍ കാവനൂര്‍, എ.പി ആരിഫലി, ഇസ്ഹാഖ് ഖിളര്‍ എന്നിവര്‍ വിവിധ സെഷനുകളില്‍ സംവദിക്കും.