കരുനാഗപ്പള്ളി: ഓടിക്കൊണ്ടിരുന്ന വാഗണര്‍ കാര്‍ കത്തിനശിച്ചു. പടനായര്‍കുളങ്ങര വടക്ക് ഹരി ഹോം വീട്ടില്‍ ഹര്‍ഷന്റെ കാറാണ് കത്തി നശിച്ചത്. ഇന്നലെ രാത്രി 7.30ന് കരുനാഗപ്പള്ളി സിവില്‍ സ്റ്റേഷന് സമീപം കല്ലുംമൂട്ടില്‍ കടവ് റോഡില്‍ വച്ചാണ് സംഭവം. ഹര്‍ഷന്‍ ആണ് കാറ് ഓടിച്ചിരുന്നത്. ദേശീയപാതയില്‍ നിന്നും കാറ് തിരിഞ്ഞ് വരുന്നതിനിടെ പുക കാണ്ട് പെട്ടെന്ന് നിര്‍ത്തി ഡോര്‍ തുറന്ന് പുറത്തിറങ്ങുന്നതിനിടെ ഇയാളുടെ കൈയ്ക്ക് പൊള്ളലേറ്റു. അപകടം നടന്നതിന് സമീപത്തായിരുന്നു കരുനാഗപ്പള്ളി ഫയര്‍‌സ്റ്റേഷന്‍. ഇവിടെ നിന്നും ഫയര്‍ഫോഴ്‌സ് സംഘം എത്തിയപ്പോഴേക്കും കാറ് ഏകദേശം കത്തി നശിച്ചിരുന്നു.