കൊല്ലം: സി.ഐ.റ്റി.യുവിന്റെ നേതൃത്വത്തില്‍ സംഘടിപ്പിക്കുന്ന മെയ്ദിന കായിക മത്സരങ്ങള്‍ 16ന് ആരംഭിക്കുമെന്ന് സംഘാടക സമിതി യോഗം തീരുമാനിച്ചു.  
ചെസ്, കാരംസ് മത്സരങ്ങള്‍ 16ന് ക്യൂ.എ.സി ഹാളിലും ഷട്ടില്‍, ബാഡ്മിന്റല്‍ സിംഗില്‍സ് ആന്റ് ഡബിള്‍സ് മത്സരങ്ങള്‍ 17ന് വൈകിട്ട് 4ന് കൊല്ലം ആല്‍ത്തറമൂട് കെ.എം.എം.എല്‍ ഓഫീസേഴ്‌സ് ഗ്രൗണ്ടിലും ഫുട്ബാള്‍ മത്സരം 16ന് ചവറ ബി.എച്ച്.എസ് ഗ്രൗണ്ടിലും കബഡി മത്സരം 20 മുതല്‍ പാരിപ്പള്ളിയിലും ബോളിബോള്‍ മത്സരം 21 ന് പുനലൂരിലും വടംവലി മത്സരം 20 മുതല്‍ കൊട്ടാരക്കരയിലും അത്‌ലറ്റിക് മത്സരങ്ങള്‍ 24 നും 25 നുമായി കൊല്ലം ലാല്‍ ബഹദൂര്‍ സ്റ്റേഡിയത്തിലും നടക്കും.  
മസരത്തില്‍ പങ്കെടുക്കുവാന്‍ ആഗ്രഹിക്കുന്നവര്‍ 11നകം അപേക്ഷ ഫോറം പൂരിപ്പിച്ചു നല്‍കാവുന്നതാണ്. എല്ലാ വിഭാഗം തൊഴിലാളികള്‍ക്കും മത്സരത്തില്‍ പങ്കെടുക്കാവുന്നതാണ്. സി.ഐ.റ്റി.യു മെയ്ദിന കായികമത്സരം വിജയിപ്പിക്കുവാന്‍ എല്ലാ വിഭാഗം തൊഴിലാളികളോടും സി.ഐ.റ്റി.യു ജില്ലാകമ്മിറ്റിക്കു വേണ്ടി ജില്ലാ സെക്രട്ടറി എസ്.സുദേവനും പ്രസിഡന്റ് ബി.തുളസീധരക്കുറുപ്പും സംഘാടക സമിതിക്കുവേണ്ടി ചെയര്‍മാന്‍ ഇ.ഷാനവാസ്ഖാനും ജനറല്‍ കണ്‍വീനര്‍ റ്റി.വേണുഗോപാലും അഭ്യര്‍ഥിച്ചു.