ആലപ്പുഴ: എ.എ.വൈ വിഭാഗത്തില്‍പ്പെട്ടവര്‍ക്ക് ഈ മാസം 30 കിലോ അരിയും അഞ്ചുകിലോ ഗോതമ്പും സൗജന്യമായി ലഭിക്കുമെന്ന് ജില്ലാ സപ്ലൈ ഓഫിസര്‍ അറിയിച്ചു.
മുന്‍ഗണന വിഭാഗത്തില്‍പെട്ട കാര്‍ഡുകളിലെ ഓരോ അംഗത്തിനും നാലുകിലോ അരിയും ഒരു കിലോ ഗോതമ്പും ഒരു രൂപ നിരക്കില്‍ ലഭിക്കും.പൊതുവിഭാഗം സബ്‌സിഡി വിഭാഗക്കാര്‍ക്ക് കിലോയ്ക്ക് മൂന്നു രൂപ നിരക്കില്‍ ഓരോ അംഗത്തിനും രണ്ട് കിലോ അരിയും കാര്‍ഡൊന്നിന് മൂന്നുകിലോ ആട്ട 16 രൂപ നിരക്കിലും ലഭിക്കും. പൊതുവിഭാഗത്തില്‍പ്പെട്ടവര്‍ക്ക് നാലു കിലോ ഭക്ഷ്യധാന്യം കിലോയ്ക്ക് 9.90 രൂപ നിരക്കിലും കിലോയ്ക്ക് 16 രൂപ നിരക്കില്‍ മൂന്നു കിലോഗ്രാം ആട്ടയും ലഭിക്കും. വൈദ്യുതീകരിച്ച വീടുള്ള കാര്‍ഡുടമകള്‍ക്ക് അരലിറ്റര്‍ മണ്ണെണ്ണയും വൈദ്യുതീകരിക്കാത്ത വീടുള്ളവര്‍ക്ക് നാലു ലിറ്റര്‍ മണ്ണെണ്ണയും ലിറ്ററിന് 25രൂപ നിരക്കില്‍ ലഭിക്കും. പൊതുജനങ്ങള്‍ക്ക് സംശയവും പരാതികളും ഉണ്ടെങ്കില്‍ താലൂക്ക് സപ്ലൈ ഓഫിസുകളുമായി ബന്ധപ്പെടുക. ചേര്‍ത്തല: 04782823058, അമ്പലപ്പുഴ: 04772252547, കുട്ടനാട്: 04772702352, കാര്‍ത്തികപ്പള്ളി: 04792412751, മാവേലിക്കര: 04792303231, ചെങ്ങന്നൂര്‍: 04792452276, ആലപ്പുഴ:04772251674.