കൊച്ചി: മെയ് 31നു നടത്താന്‍ നിശ്ചയിച്ചിരുന്ന സിവില്‍ സര്‍വിസ് (പ്രിലിമിനറി) പരീക്ഷ നീട്ടിവയ്ക്കാന്‍ യൂനിയന്‍ പബ്ലിക് സര്‍വിസ് കമ്മിഷന്‍ (യു.പി.എസ്.സി) പ്രത്യേക യോഗം തീരുമാനിച്ചു. കൊവിഡിന്റെ പശ്ചാത്തലത്തില്‍ പരീക്ഷകളും അഭിമുഖങ്ങളും സാധ്യമല്ലെന്ന് യോഗം വിലയിരുത്തി. രണ്ടാംഘട്ട ലോക്ക് ഡൗണിനു ശേഷമുള്ള സ്ഥിതി വിലയിരുത്തുന്നതിനായിരുന്നു യോഗം. 20നു വീണ്ടും യോഗം ചേര്‍ന്നു പുതിയ തീയതികള്‍ തീരുമാനിച്ച് വെബ്‌സൈറ്റില്‍ പ്രസിദ്ധീകരിക്കും.