മുതുകുളം: സംസ്ഥാനത്ത് തൊഴിലുറപ്പുമായി ബന്ധപ്പെട്ട് കൂടുതല്‍ തൊഴില്‍ ദിനം നല്‍കിയ തിളക്കത്തിലാണ് തൃക്കുന്നപ്പുഴ പഞ്ചായത്തിലെ ഒമ്പതാം വാര്‍ഡ്.
തൊഴിലുറപ്പ് പദ്ധതിയെ ഉപയോഗപ്പെടുത്തി ഒമ്പതാം വാര്‍ഡില്‍ 249 കുടുംബങ്ങള്‍ക്കാണ് 100 തൊഴില്‍ ദിനങ്ങള്‍ നല്‍കിയത്.യു.ഡി.എഫ്.അംഗം എസ്.സുധിലാല്‍ ആണ് വാര്‍ഡ് മെമ്പര്‍. യു.ഡി.എഫാണ് തൃക്കുന്നപ്പുഴ പഞ്ചായത്ത് ഭരിക്കുന്നത്.
 വികസന കാര്യത്തില്‍ പഞ്ചായത്തിലെ മറ്റ് വാര്‍ഡുകളെക്കാള്‍ മുന്‍പന്തിയിലാണ് ഒമ്പതാം വാര്‍ഡ്.
പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ കൂടിയായ സുധിലാല്‍ ലഹരി വിരുദ്ധ കൂട്ടായ്മ, ആരോഗ്യ രംഗത്തെ പ്രവര്‍ത്തനങ്ങള്‍, വിവരവകാശ പ്രവര്‍ത്തനങ്ങള്‍ തുടങ്ങിയവയില്‍ സജീവമാണ്.