ശ്രീകൃഷ്ണപുരം : ജൂണ്‍ 28, 29 തിയ്യതികളിലായി വാഴേമ്പുറത്തു നടക്കുന്ന ശ്രീകൃഷ്ണപുരം ബ്ലോക്ക് ക്ഷീരോത്സവത്തിന്റെ ഭാഗമായുള്ള അനുബന്ധ പരിപാടികള്‍ക്ക് തുടക്കമായി. കടമ്പഴിപുറം ഗ്രാമ പഞ്ചായത്തില്‍ വനിതാ ക്ഷീരോത്പാദക സംഘത്തിന്റെ നേതൃത്വത്തില്‍ സ്ത്രീ ശാക്തീകരണവും ക്ഷീരകാര്‍ഷിക മേഖലയും എന്ന വിഷയത്തെ അധികരിച്ചുള്ള ശില്പശാലയോടെയാണ് ചടങ്ങ് തുടങ്ങിയത്. ബ്ലോക്ക് പ്രസിഡന്റ് പി.അരവിന്ദാക്ഷന്‍ ഉദ്ഘാടനം ചെയ്തു. കടമ്പഴിപുറം ഗ്രാമ പഞ്ചായത്ത് പ്രസിഡന്റ് കെ.അംബുജാക്ഷി അധ്യക്ഷയായി. ജ്യോതിവാസന്‍, പി.എം.നാരായണന്‍, കെ.ശാന്തകുമാരി, പി.അംബുജാക്ഷി, ഉഷാ നാരായണന്‍, പ്രേമരാജന്‍, കെ.ഉദയന്‍, എം.സുബ്രഹ്മണ്യന്‍, രാജന്‍, രമേഷ്, ബിജു ജോസ്, രഞ്ജിത്ത് സംസാരിച്ചു.റിട്ട. ഡെപ്യൂട്ടി ഡയറക്ടര്‍ കെ.മോഹനന്‍ ക്ലാസെുടുത്തു.