മലമ്പുഴ: ഹൈസ്‌കൂള്‍, വൊക്കേഷണല്‍ ഹയര്‍ സെക്കണ്ടറി സ്‌കൂള്‍ എന്നിവയുടെ നേതൃത്വത്തില്‍ മരുവല്‍ക്കരണ ദിനാചരണം നടത്തി. ഇതോടനുബന്ധിച്ച് സംഘടിപ്പിച്ച മരുവല്‍ക്കരണ ദിന സന്ദേശവും വൃക്ഷത്തൈനടലും ദേശീയ ഹരിതസേനാ ജില്ലാ കോഓര്‍ഡിനേറ്റര്‍ എസ് ഗുരുവായൂരപ്പന്‍ ഉദ്ഘാടനം ചെയ്തു..
സ്‌കൂള്‍ അസ്സംബ്ലിയില്‍ നടന്ന ചടങ്ങില്‍ നിത്യ ജീവിതത്തില്‍ വിഭവ വിനിയോഗത്തിനതിന്റെ ആവശ്യകതയും മരുവല്‍ക്കരണം ചെറുക്കാന്‍ ഓരോരുത്തരും പാലിക്കേണ്ട ജീവിത രീതികളെക്കുറിച്ചും അദ്ദേഹം വിശദീകരിച്ചു.
ചടങ്ങില്‍ പ്രധാന അധ്യാപിക കെ ദേവിക സി ഹരിത സേനാ കോഓര്‍ഡിനേറ്റര്‍മാരായ കെ.കെ സുനിത കെ.എ അജേഷ് സാമൂഹ്യ ശാസ്ത്ര ക്ലബ് കോഓര്‍ഡിനേറ്റര്‍ കെ ശശീധരന്‍ സംസാരിച്ചു. ഇതിന്റെ ഭാഗമായി സ്‌കൂള്‍ അങ്കണത്തില്‍ ഫലവൃക്ഷം, വനവൃക്ഷം എന്നിവയുടെ തൈകളും ഹരിത സേനാ അംഗങ്ങളുടെ നേതൃത്വത്തില്‍ നട്ടുപിടിപ്പിച്ചു.