കോട്ടയം: അഖില കേരള പാണര്‍ സമാജത്തിന്റെ കോട്ടയം ജില്ലാ സമ്മേളനം  ഇന്ന് നടക്കും. കുന്നോനി സാംസ്‌കാരിക മന്ദിര ഓഡിറ്റോറിയത്തില്‍ നടക്കുന്ന പരിപാടി രാവിലെ ഒന്‍പതിന് ആരംഭിക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
 രാവിലെ ഒന്‍പതിന് എ.കെ.പി.എസ് കോട്ടയം ജില്ലാ പ്രസിഡന്റ് ഗിരീഷ് മാധവ് പതാക ഉയര്‍ത്തും. തുടര്‍ന്ന് രജിസ്‌ട്രേഷന്‍. 10. 30 ന് പ്രതിനിധി സമ്മേളനം. എ.കെ.പി.എസ് കോട്ടയം ജില്ലാ വൈസ് പ്രസിഡന്റ് ശ്യാമള കേശവന്‍ അധ്യക്ഷനാക്കുന്ന പ്രതിനിധി സമ്മേളനം എ.കെ.പി.എസ് സംസ്ഥാന പ്രസിഡന്റ് കെ.ജി.ഗോപിനാഥ് ഉദ്ഘാടനം ചെയ്യും.ചടങ്ങില്‍ പൂഞ്ഞാര്‍ തെക്കേക്കര ഗ്രാമപഞ്ചായത്ത് പ്രസിഡന്റ് ഷൈനി സന്തോഷ് മുഖ്യതിഥിയാകും.
സംഘടനയുടെ സംസ്ഥാന പ്രസിഡന്റ് പി.പി ഗോപാലന്‍ മുഖ്യപ്രഭാഷണം നടത്തും. യോഗത്തില്‍ പൂഞ്ഞാര്‍ ശാഖാ ജോയിന്റ് സെക്രട്ടറി മീനാക്ഷി മധു സ്വാഗതവും പി.ജി ശ്രീനിവാസ് നന്ദിയും പറയും.
ഉച്ച കഴിഞ്ഞ് രണ്ടിന് പൊതു സമ്മേളനം. പി.സി ജോര്‍ജ്ജ് എം.എല്‍.എ ഉദ്ഘാടനം ചെയ്യും.എ.കെ.പി.എസ് ജില്ലാ ജോയിന്റ് സെക്രട്ടറി ടി.ബി മനോജ് അധ്യക്ഷനാകും.
ജില്ലാ പൊലിസ് മേധാവി എന്‍. രാമചന്ദ്രന്‍ മുഖ്യാതിഥിയാകുന്ന ചടങ്ങില്‍ എ.കെ.പി.എസ് സംസ്ഥാന ജനറല്‍ സെക്രട്ടറി എല്‍.കെ.ശശിധരന്‍ മുഖ്യപ്രഭാഷണം നടത്തും.തുടര്‍ന്ന് മൊമന്റോ വിതരണവും ആദരിക്കല്‍ ചടങ്ങും. ചടങ്ങില്‍ കെ.എന്‍ ശശിധരന്‍ സ്വാഗതവും രാജി ബിനു നന്ദിയും പറയും.