എടച്ചേരി: കുട്ടികള്‍ക്ക് നന്മയുടെ നല്ല പാഠങ്ങള്‍ പകര്‍ന്നു നല്‍കി സംസ്ഥാന അധ്യാപക അവാര്‍ഡ് നേടിയ അധ്യാപകന്‍ വിദ്യയ്‌ക്കൊപ്പം രക്തവും പകര്‍ന്ന് നല്‍കി ശ്രദ്ധേയനാവുകയാണ്. ഇരിങ്ങണ്ണൂര്‍ ഹയര്‍ സെക്കന്‍ഡറി സ്‌കൂള്‍ പ്രിന്‍സിപ്പല്‍ പി .രാജ് കുമാറാണ് സ്‌കൂളില്‍ നടന്ന രക്തദാന ചടങ്ങ് തന്റെ 'ചോര ' നല്‍കി ഉദ്ഘാടനം ചെയ്തത്.
സ്‌കൂള്‍ മേധാവി എന്ന പത വിക്കപ്പുറം രാജ് കുമാര്‍ സ്‌കൂളിനും, വിദ്യാര്‍ഥികള്‍ക്കും തന്നെ കഠിനാധ്വാനത്തിലൂടെ നേടിക്കൊടുത്ത വിജയങ്ങളാണ് ഇദ്ദേഹത്തെ അവാര്‍ഡിന് അര്‍ഹനാക്കിയത്. ഇരിങ്ങണ്ണൂരിലെ യുവതരംഗ് ആര്‍ട്‌സ് ആന്റ് സ്‌പോര്‍ട്‌സ് ക്ലബ്ബും , ബ്ലഡ് ഡോണേര്‍സ് വടകരയും സംയുക്തമായിട്ടാണ് ,കോടിയേരി മലബാര്‍ കാന്‍സര്‍ സെന്ററിന്റെ സഹകരണത്തോടെ ഇരിങ്ങണ്ണൂര്‍ ഹയര്‍ സെക്കന്ററി സ്‌കൂളില്‍ രക്തദാന ക്യാപ് സംഘടിപ്പിച്ചത് .വി .പി പവിത്രന്‍ അധ്യക്ഷനായി.
ബ്ലഡ് ഡോണേര്‍സ് കേരള താലൂക്ക് ഭാരവാഹികളായ വത്സരാജ് മണലാട്ട് ,അന്‍സാര്‍ ചേരാപുരം ,നിധിന്‍ മുരളി യുവതരംഗ് ഭാരവാഹികളായ അനില്‍ കുമാര്‍ ,സനീഷ്, ഷിബിന്‍ യു.പി കോടിയേരി എം.സി.സി രക്ത ബാങ്ക് ടീമിലെ ഡോ.മോഹന്‍ ദോസ്ത് ,അരുണ്‍ ,സബീഷ് ,വിജേഷ് പ്രസംഗിച്ചു . സ്‌കൂള്‍ അധ്യാപകര്‍,ക്ലബ് മെമ്പര്‍മാര്‍, പ്രദേശവാസികള്‍ ഉള്‍പ്പെടെ 40 ഓളം പേര്‍ രക്തദാനം ചെയ്തു.