വിഴിഞ്ഞം: മോഷണ കേസിലെ പ്രതിയെ വിഴിഞ്ഞം പൊലിസ് അറസ്റ്റു ചെയ്തു. തമിഴ്‌നാട് മധുര സ്വദേശി കുമാര്‍ (39)ആണ് അറസ്റ്റിലായത്.
മത്സ്യബന്ധന സീസണില്‍ മത്സ്യക്കച്ചവടത്തിനെത്തുന്ന സ്ത്രീകളില്‍ നിന്ന് പണവും മറ്റു വിലപിടിപ്പുള്ള വസ്തുക്കളും ഇയാള്‍ സ്ഥിരമായി മോഷ്ടിക്കാറുണ്ടെന്ന് പൊലിസ് പറഞ്ഞു. വിഴിഞ്ഞം എസ്.എച്ച്.ഓ എന്‍. ഷിബുവിന്റെ നേതൃത്വത്തില്‍ എസ്.ഐമാരായ അശോക് കുമാര്‍, ഗോപകുമാര്‍, സി.പി.ഒ നിജിത്ത് എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.