തിരുവനന്തപുരം: മലയാള സാംസ്‌കാരിക വേദിയുടെ ഈ വര്‍ഷത്തെ കാക്കനാടന്‍ പുരസ്‌കാരം ചൊവ്വാഴ്ച രാവിലെ 11ന് തിരുവനന്തപുരം പ്രസ് ക്ലബില്‍ സമ്മാനിക്കും. 'മീനുകളുടെ ആകാശവും പറവകളുടെ ഭൂമിയും' എന്ന കഥാസമാഹാരത്തെ പരിഗണിച്ച് അര്‍ഷാദ് ബത്തേരിക്കാണ് പുരസ്‌കാരം. സംവിധായകന്‍ കമല്‍ പുരസ്‌കാരം സമ്മാനിക്കും. മുന്‍ എം.പിയും മലയാള സാംസ്‌കാരിക വേദിയുടെ ചീഫ് പേട്രണുമായ തലേക്കുന്നില്‍ ബഷീര്‍ അധ്യക്ഷനാകും. മുന്‍ മന്ത്രി പന്തളം സുധാകരന്‍, ബാബു കുഴിമറ്റം,ബി. മുരളി, സുനില്‍ സി.ഇ സംസാരിക്കും.
പൊതു വിഭാഗത്തിലും വിദ്യാര്‍ഥി വിഭാഗത്തിലുമായി സംഘടിപ്പിച്ച കാക്കനാടന്‍ കഥാമത്സര വിജയികള്‍ക്കുള്ള അവാര്‍ഡുകളും ചടങ്ങില്‍ സമ്മാനിക്കുമെന്ന് മലയാള സാംസ്‌കാരിക വേദി ചെയര്‍മാന്‍ അന്‍സാര്‍ വര്‍ണന അറിയിച്ചു.