റിയാദ്: പ്രവാസിയെ അധിക്ഷേപിച്ച സഊദി പൗരനെതിരെ നടപടിയുമായി സഊദി പബ്ലിക് പ്രോസിക്യൂഷൻ. വിദേശിയെ അധിക്ഷേപിക്കുന്ന വീഡിയോ ക്ലിപ്പിംഗ് സോഷ്യൽ മീഡിയയിൽ പ്രചരിച്ചതിന് ശ്രദ്ധയിൽ പെട്ടതോടെയാണ് കുറ്റക്കാരനായ സഊദി പൗരനെ അറസ്റ്റ് ചെയ്യാൻ പബ്ലിക് പ്രോസിക്യൂട്ടർ ഉത്തരവിട്ടതെന്നു സഊദി വാർത്താ ഏജൻസി റിപ്പോർട്ട് ചെയ്‌തു. ഏഷ്യൻ വംശജനായ അറബി ഇതര ഭാഷ സംസാരിക്കുന്ന പ്രവാസിയെ അധിക്ഷേപിക്കുന്നതായുള്ള വീഡിയോ ആണ് സോഷ്യൽ മീഡിയയിൽ പ്രചരിച്ചിരുന്നത്.