കൊച്ചി: പാര്‍ട്ടി സീറ്റ് തന്നാല്‍ മത്സരിക്കുമെന്ന് പി.ജെ ജോസഫ്. ഒരു സീറ്റ് മാത്രം ലഭിച്ചാലും താന്‍ മത്സരിക്കും. എന്നാല്‍ രണ്ട് സീറ്റ് വേണമെന്ന നിലപാടിലുറച്ചു നില്‍ക്കുമെന്നും അദ്ദേഹം വ്യക്തമാക്കി. അതേസമയം, ജോസഫിന്റെ പ്രസ്താവനയില്‍ കെ.എം മാണി പ്രതികരിച്ചില്ല. ചര്‍ച്ചക്ക് ശേഷം തീരുമാനം അറിയിക്കാമെന്ന് അദ്ദേഹം പറഞ്ഞു.

കോണ്‍ഗ്രസ് കേരള കോണ്‍ഗ്രസ് ലോക്‌സഭാ സീറ്റ് വിഭജന ചര്‍ച്ചകള്‍ അല്‍പ്പസമയത്തിനകം കൊച്ചിയില്‍ തുടങ്ങും. രണ്ട് സീറ്റ് വേണമെന്ന ആവശ്യം കേരള കോണ്‍ഗ്രസ് ചര്‍ച്ചയില്‍ ഉന്നയിക്കും. എന്നാല്‍ അധിക സീറ്റ് നല്‍കാനാവില്ലെന്ന നിലപാടിലാണ് കോണ്‍ഗ്രസ് നേതൃത്വം. കഴിഞ്ഞ 26 ന് നടന്ന ഉഭയകക്ഷി ചര്‍ച്ചയില്‍ സീറ്റ് സംബന്ധിച്ച് ധാരണയിലെത്താന്‍ ഇരു കക്ഷികള്‍ക്കും സാധിച്ചിരുന്നില്ല.