ചമ്രവട്ടം: തൃപ്രങ്ങോട് പഞ്ചായത്തിലെ ഏക സര്‍ക്കാര്‍ യു.പി സ്‌കൂളായ ചമ്രവട്ടം ഗവ.യു .പി സ്‌കൂളിന്റെ 97-ാം വാര്‍ഷികവും വിദ്യാര്‍ഥികളുടെ കലാപരിപാടികളും തൃപ്രങ്ങോട് പഞ്ചായത്ത്തല അങ്കണവാടി കലോത്സവവും നടത്തി.
വാര്‍ഷികാഘോഷം പഞ്ചായത്ത് പ്രസിഡന്റ്  പി.കുമാരന്‍ ഉദ്ഘാടനം ചെയ്തു. പി.ടി.എ പ്രസിഡന്റ്  കെ.വി.സെയ്താലിക്കുട്ടി അധ്യക്ഷനായി. യു.എം ഹമീദ്, ഷാജഹാന്‍, എ.പ്രഭാകരന്‍, എസ്.പി ബാബു, എം.ചിന്നമ്മു, രവികുമാര്‍  ,എം.കെ.രേണുക, ബിന്ദു.കെ.അബ്രഹാം സംസാരിച്ചു. വിവിധ മത്സരങ്ങളില്‍ വിജയിച്ച വിദ്യാര്‍ഥികള്‍ക്കുള്ള സമ്മാനദാനം ഷാജഹാന്‍, ഹമീദ് മാസ്റ്റര്‍ ,വി .പി മുഹമ്മദലി ,എം.വി.കുഞ്ഞിമോന്‍, കെ.ടി.മുഹമ്മദ് എന്നിവര്‍ നിര്‍വഹിച്ചു.
ഊര്‍ജ സംരക്ഷണ ക്ലാസിനോടനുബന്ധിച്ച് നടത്തിയ പ്രശ്‌നോത്തരി മത്സരത്തില്‍ വിജയികളായ വിദ്യാര്‍ഥികള്‍ക്ക് ആലത്തിയൂര്‍ കെ.എസ്.ഇ.ബി.യില്‍ നിന്ന് അനുവദിച്ച സി.എഫ്.എല്‍ ബള്‍ബുകള്‍  കെ.പി.നൗഷാദ് വിതരണം ചെയ്തു.