പെരുമ്പടപ്പ്: പൊന്നാനി കോളിലെ നൂണക്കടവ് കോള്‍ പടവിലെ കര്‍ഷകരില്‍ നിന്നും സപ്ലൈകോ നെല്ല് സംഭരണം തുടങ്ങി. വന്നേരി ഹയര്‍ സെക്കന്‍ഡറി സ്‌കൂള്‍ ഗ്രൗണ്ടിലാണ്  നെല്ല് സംഭരണം ആരംഭിച്ചത്.
 സപ്ലൈകോ സംഭരിക്കുന്നതിന് മുമ്പ് കിലോക്ക് 21.50 പൈസ നിരക്കില്‍ സ്വകാര്യ കമ്പനികള്‍ ഇവിടെ നിന്നും നെല്ല് സംഭരിച്ചിരുന്നു. സപ്ലൈകോ കിലോക്ക് 22.50 രൂപ നിരക്കില്‍ ആണ് ശേഖരിക്കുന്നത്. ഇത്തവണ നൂണക്കടവ് കോള്‍പടവില്‍ ജ്യോതി നെല്‍വിത്താണ് കൃഷി ചെയ്തത്. ജില്ലയുടെ നെല്ലറയായ പൊന്നാനി കോള്‍പടവില്‍ ഇത്തവണ നല്ല വിളവ് ലഭിച്ചതായി കര്‍ഷകര്‍ പറഞ്ഞു.