മഞ്ചേരി: മെഡിക്കല്‍ കോളജ്  പ്രസവവാര്‍ഡിലെ അധികൃതര്‍ പ്രസവ ചികിത്സ കൈകാര്യം ചെയ്യുന്ന വിഷയത്തില്‍ കടുത്ത അലംഭാവം  തുടരുകയണെന്നും കഴിഞ്ഞദിവസം മഞ്ചേരി സ്വദേശിനിയായ യുവതി ബാത്ത് റൂമില്‍ പ്രസവിക്കേണ്ടി വന്നത് ഇതിന്റെ തെളിവാണന്നും മഞ്ചേരി മണ്ഡലം യൂത്ത് കോണ്‍ഗ്രസ് അഭിപ്രായപ്പെട്ടു. വീഴ്ചക്കു ഉത്തരവാദികളായവര്‍കെതിരേ ശക്തമായ നടപടി സ്വീകരിക്കണമെന്ന് ആവശ്യപ്പെട്ട്   യൂത്ത് കോണ്‍ഗ്രസ് മെഡിക്കല്‍ കോളജ് ആശുപത്രി സുപ്രണ്ടിനു നിവേദനം നല്‍കിയിട്ടുണ്ട്. പ്രസിഡന്റ് അക്ബര്‍ മീനായ്, മണ്ഡലം കോണ്‍ഗ്രസ് പ്രസിഡന്റ് ഹനീഫ് പുല്ലൂര്‍, ഫൈസല്‍ചുങ്കത്ത്, ജയകുമാര്‍ മടങ്ങോട്, ശംസുദ്ദീന്‍ നേതൃത്വം നല്‍കി.