നിലമ്പൂര്‍: ബഹുമുഖ പദ്ധതികളോടെ നിലമ്പൂര്‍ ജില്ലാ ആശുപത്രിയോട് ചേര്‍ന്ന് പ്രവര്‍ത്തനമാരംഭിച്ച സമസ്ത മുസാഅദ സെന്ററിന്റെ ബഹുനില കെട്ടിടത്തിന്റെ ഉദ്ഘാടനം മെയ് നാലിന് നടത്താന്‍ മുസാഅദ സെന്ററില്‍ ചേര്‍ന്ന പ്രവര്‍ത്തന സമിതി തീരുമാനിച്ചു.
അസര്‍ നിസ്‌കാരത്തിന് നേതൃത്വം വഹിച്ച്  പാണക്കാട് സയ്യിദ് ഹൈദറലി ശിഹാബ് തങ്ങള്‍ കെട്ടിടോല്‍ഘാടനം നിര്‍വഹിക്കും. ഇതിനോടനുബന്ധിച്ച്  ത്രിദിന മതപ്രഭാഷണവും സംഘടിപ്പിക്കും. സംഘാടക സമിതി രൂപീകരണവും കണ്‍വന്‍ഷനും 12ന് ചന്തക്കുന്ന് മര്‍കസില്‍ ചേരാനും തീരുമാനിച്ചു.
വര്‍ക്കിങ് പ്രസിഡന്റ് ഇ.കെ കുഞ്ഞമ്മദ് മുസ്‌ലിയാര്‍ അധ്യക്ഷനായി. സലീം എടക്കര, അബ്ദുല്ലക്കുട്ടി, സി അബ്ദുല്ല മൗലവി, കെ.ടി കുഞ്ഞാന്‍, എ.പി യാക്കൂബ്  ഫൈസി, അബ്ദുല്‍ അസീസ് മുസ്‌ലിയാര്‍, അടുക്കത്ത് ഇസ്ഹാഖ്, മച്ചിങ്ങല്‍ കുഞ്ഞു, കെ.കെ അമാനുല്ല ദാരിമി, കെ.സി അബ്ദുല്ല, ഹംസ ഫൈസിരാമം കുത്ത്, അബ്ദുത്വാഹിര്‍ ഫൈസി, കണ്ണാട്ടില്‍ ബാപ്പു, ടി.പി അബ്ദുറഹ് മാന്‍ ഹാജി, പനോളി മുഹമ്മദ്, സി നൂര്‍ മുഹമ്മദ് ഫൈസി, സുബൈദ് കൂറ്റമ്പാറ, അക്ബര്‍ മമ്പാട് എന്നിവര്‍ പങ്കെടുത്തു.