ആനക്കര: കപ്പൂര്‍ പഞ്ചായത്തിലെ വെള്ളാളൂരിലുള്ള കോളനിയിലെ വീടുകള്‍ കണ്ടാല്‍ ആരും ഭയക്കും. കപ്പൂര്‍ പഞ്ചായത്തിലെ പതിനേഴാം വാര്‍ഡ് വെള്ളാളുര്‍ കോളനിയിലെ വീടുകള്‍ ജീര്‍ണിച്ച് നിലംപൊത്തുന്ന അവസ്ഥയില്‍ വീടുകള്‍ സ്ഥിതിചെയ്യുന്നത്. 1975ല്‍ സര്‍ക്കാര്‍ നിര്‍മിച്ചുനല്‍കിയ 26 വീടുകളാണ് ഈ കോളനിയിലുള്ളത്. അതിനുശേഷം ചില്ലറ അറ്റകുറ്റ പണികള്‍ ഒഴിച്ചാല്‍ കാര്യമായ യാതൊരു അറ്റകുറ്റപ്പണികളും ഇരുവരെയും നടത്തിയിട്ടില്ലാത്തതിനാല്‍ കെട്ടിടങ്ങള്‍ മുഴുവനും ജീര്‍ണിച്ച് എപ്പോള്‍ വേണമെങ്കിലും നിലം പതിക്കാവുന്ന അവസ്ഥയിലാണ്.
സാമ്പത്തികമായ വളരെപിന്നോക്കാവസ്ഥയിലുള്ള കുടുംബങ്ങളും പിന്നാക്ക ജാതിയിലും പട്ടികജാതി വിഭാഗത്തിലും ഉള്‍പ്പെട്ട പാവപ്പെട്ട ജനങ്ങളാണ് ഇവിടെതാമസിക്കുന്നത്. എല്ലാ വീടുകളിലേയും മേല്‍ക്കൂരകള്‍ തകര്‍ന്നിരിക്കുന്നു.
ഈ കോളനിയിലെ കെട്ടിടങ്ങളെ ഇനി അറ്റകുറ്റപണികള്‍ ചെയ്തു നിലനിര്‍ത്തുവാന്‍ കഴിയാത്ത അവസ്ഥയിലാണ്. യഥാസമയം വീടുകളുടെ റിപ്പയറുകള്‍ സമയാ സമയങ്ങളില്‍ ചെയ്യുകയായിരുനെങ്കില്‍ ഇത്രയരം ദയനീയമാകില്ലായിരുന്നു.എല്ലാ കാലത്തും വോട്ടുമാത്രം ലക്ഷ്യംവച്ചാണ് ഇവിടെ രാഷ്ട്രീയ പാര്‍ട്ടിക്കാര്‍ കടന്നുവരുന്നത് അല്ലാത്ത സമയങ്ങളില്‍ ഇങ്ങോട്ട് ഒരു ഉദ്യോഗസ്ഥരും തിരിഞ്ഞു നോക്കാറില്ല.
കോളനിയില്‍ താമസിക്കുന്ന ഓരോ കുടുംബത്തിനും മൂന്ന് സെന്റ് വസ്തുവില്‍ ഒരു കിടക്കമുറിയും അടുക്കള, വരാന്ത അടങ്ങിയ വീടാണ് നല്‍കിയിട്ടുള്ളത്. ഇന്ന് ഓരോ വീട്ടിലും ശരാശരി എട്ടും പത്തും അംഗങ്ങള്‍ താമസിക്കുകയാണ്. ഇവര്‍ക്ക് ജീവിക്കുന്നതിന് യാതൊരുവിധ സൗകര്യവുമില്ല. മിക്ക വീടുകളിലും ശൗചാലയങ്ങള്‍ ഇല്ലാത്ത അവസ്ഥയാണ്. വീടിനുള്ളില്‍ കുട്ടികളുംരോഗികളും വൃദ്ധജനങ്ങള്‍ക്കും ദൈര്യത്തോടെ വീടിനുള്ളില്‍ അന്തിയുറങ്ങുന്നതിന്‌വീടുകള്‍ സര്‍ക്കാര്‍ കൈമാറിയ കാലഘട്ടത്തില്‍ സര്‍ക്കാര്‍ നല്‍കിയ വാഗ്ദാനങ്ങളായ അറ്റകുറ്റപ്പണികള്‍ക്കു വേണ്ടി വരുന്ന ധനസഹായം, ഓരോ വീടുകള്‍ക്കും ഇന്‍ഷുറന്‍സ്പദ്ധതികള്‍, എന്നിവ ഇവര്‍ക്ക് പണ്ടേ നിഷേധിച്ചിരിക്കുകയാണ്.
ദാരിദ്ര്യരേഖക്ക് താഴെ വരുന്ന ഈ ജനവിഭാഗങ്ങളുടെ ജീവിതം മൃഗതുല്യമാണ് എന്നത് എടുത്ത് പറയേണ്ടകാര്യമാണ്. പഴയ കെട്ടിടങ്ങള്‍ പൊളിച്ചുനീക്കി ആധുനിക സൗകര്യങ്ങളുടെ കെട്ടിടങ്ങള്‍ പണിയാന്‍ സര്‍ക്കാര്‍ തന്നെ മുന്നോട്ടുവരേണ്ടതുണ്ട്.