പ്രാഗ്: ചെക്ക് റിപബ്ലിക്കിന്റെ ഗോള്‍ കീപ്പര്‍ പീറ്റര്‍ ചെക് അന്താരാഷ്ട്ര ഫുട്‌ബോളില്‍ നിന്നും വിരമിച്ചു. ചെക്ക് റിപബ്ലിക്കിനു വേണ്ടി ഏറ്റവുമധികം മത്സരങ്ങള്‍ കളിച്ച താരമായ പീറ്റര്‍ ചെക് ലോക ഫുട്‌ബോളിലെ തന്നെ കീപ്പിങ് ഇതിഹാസമാണ്. 2002ല്‍ ടീമിലിടം നേടിയ പീറ്റര്‍ 124 മത്സരങ്ങളിലാണ് ടീമിനായി വല കാത്തത്. യൂറോ കപ്പില്‍ ചെക്ക് റിപബ്ലിക്ക് ഗ്രൂപ്പ് ഘട്ടത്തില്‍ തന്നെ പുറത്തായതും താരത്തിന്റെ വിരമിക്കലിന് കാരണമായെന്നാണ് കരുതുന്നത്.പ്രീമിയര്‍ ലീഗില്‍ ആഴ്‌സണലിന്റെ താരമായ ചെക് ക്ലബിന്റെ ഔദ്യോഗിക വെബ്‌സൈറ്റിലൂടെയാണ് വിരമിക്കല്‍ പ്രഖ്യാപനം നടത്തിയത്. പ്രഖ്യാപനം വ്യക്തിപരമാണെന്നു ചെക് വ്യക്തമാക്കി.