ഗൂഡല്ലൂര്‍: സമസ്ത കേരള ജംഇയ്യത്തുല്‍ മുഅല്ലിമീന്‍ ജില്ലാ കമ്മിറ്റി സംഘടിപ്പിക്കുന്ന ജില്ലാ ഇസ്‌ലാമിക് കലാമേള ഇന്ന് മേഫീല്‍ഡ് ഹൈസ്‌കൂള്‍ ഗ്രൗണ്ടില്‍ നടക്കും.
 കോട്ടുമല ബാപ്പു മുസ്‌ലിയാര്‍ നഗറില്‍ മേഫീല്‍ഡ് മഹല്ല് സെക്രട്ടറി ടി.പി കുഞ്ഞിമുഹമ്മദ് രാവിലെ ഒന്‍പതിന് പതാക ഉയര്‍ത്തുന്നതോടെയാണ് പരിപാടികള്‍ക്ക് തുടക്കമാവുക.
തുടര്‍ന്ന് മേളയുടെ ഔപചാരിക ഉദ്ഘാടനം സമസ്ത ജില്ലാ പ്രസിഡന്റ് ഒ.കെ ഇമ്പിച്ചിക്കോയ തങ്ങള്‍ നിര്‍വഹിക്കും. ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് എന്‍ ഉമര്‍ ഫൈസി അധ്യക്ഷനാവും. സന്തുഷ്ട കുടുംബം, കുരുന്നുകള്‍, സത്യധാര, സുപ്രഭാതം എന്നീപേരുകളിലുള്ള നാലുവേദികളിലായി അന്‍പതോളം ഇനങ്ങളില്‍ 160 മത്സരാര്‍ഥികളാണ് മാറ്റുരക്കുക.
 ബുര്‍ദ ആലാപനം, പടപ്പാട്ട്, സമൂഹഗാനം, മലയാളം, അറബി ഗാനാലാപനം, പ്രസംഗം തുടങ്ങി സ്‌റ്റേജ് സ്‌റ്റേജിതര മത്സരങ്ങളാണ് വിദ്യാര്‍ഥികള്‍ക്കും അധ്യാപകര്‍ക്കുമായി നടക്കുക.