സെന്റ് പ്രീറ്റേഴ്‌സ്ബര്‍ഗ്: ഈജിപ്തിനെ പരാജയപ്പെടുത്തി റഷ്യ ലോകകപ്പിലെ രണ്ടാമത്തെ വിജയം സ്വന്തമാക്കി. 3-1നായിരുന്നു റഷ്യയുടെ വിജയം. 

ഇതൊടെ ആറ് പോയന്റുള്ള റഷ്യ പ്രീകോര്‍ട്ടര്‍ ഏകദേശം ഉറപ്പാക്കി. എന്നാല്‍ രണ്ട് മത്സരങ്ങളിലും തോല്‍വി ഏറ്റുവാങ്ങിയ ഈജിപ്തിന്റെ നില പരുങ്ങലിലായി.

ആദ്യ പകുതിയില്‍ ഇരു ടീമുകള്‍ക്കും ഗോള്‍ നേടാന്‍ സാധിച്ചില്ല. എന്നാല്‍ രണ്ടാം പകുതിയിലെ നാലു മിനിറ്റുകള്‍ക്കുള്ളില്‍ തന്നെ റഷ്യക്ക് രണ്ട് ഗോളുകള്‍ നേടാന്‍ സാധിച്ചു. ഈജിപ്ത്യന്‍ നായകന്‍ ഫാത്തിയുടെ സെല്‍ഫ് ഗോളിലാണ് റഷ്യക്ക് ആദ്യ ഗോള്‍ ലഭിച്ചത്.

അന്‍പത്തിയൊന്‍പതാം മിനിറ്റില്‍ ചെറിഷേവ് റഷ്യക്ക് വേണ്ടി രണ്ടാം ഗോള്‍ നേടി. അറുപത്തിരണ്ടാം മിനിറ്റില്‍ സ്യൂബയും ഗോള്‍ നേടി. പെനാല്‍റ്റിയിലൂടെ ഈജിപ്തിന് വേണ്ടി ആശ്വാസ ഗോള്‍ നേടിയത് മുഹമ്മദ് സലയാണ്.