ചിത്താരി: പാത നവീകരണ ജോലി നടത്തി വരുന്നതിനിടയില്‍ ജെ.സി.ബി വീടിനു മുകളിലേക്കു മറിഞ്ഞു വീണു. കഴിഞ്ഞ ദിവസം സന്ധ്യയോടെയാണു സംഭവം. കെ.എസ്.ടി.പിയുടെ നേതൃത്വത്തില്‍ നടന്നു വരുന്ന പ്രവൃത്തിക്കിടെയാണു  ജെ.സി.ബി നോര്‍ത്ത് ചിത്താരിയിലെ ഓട്ടോ ഡ്രൈവര്‍ അരുണന്റെ വീടിന് മുന്നിലേക്കു മറിഞ്ഞത്. ഇതിലുണ്ടായിരുന്ന ജീവനക്കാരും വീട്ടുകാരും ഭാഗ്യം കൊണ്ട് രക്ഷപ്പെടുകയായിരുന്നു. അപകടത്തില്‍ വീടിന്റെ മുന്‍വശത്തെ സിറ്റൗട്ട് തകര്‍ന്നു. അപകട വിവരമറിഞ്ഞു സംഭവ സ്ഥലത്തെത്തിയ കെ.എസ്.ടി.പി അധികൃതര്‍ വീട്ടുടമക്ക് നഷ്ട പരിഹാരം നല്‍കാമെന്ന് ഉറപ്പു നല്‍കി.അപകടത്തില്‍ ജെ.സി.ബിക്കും കേടുപറ്റി.