കോഴിക്കോട്: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിനു കീഴില്‍ പ്രവര്‍ത്തിച്ചു വരുന്ന അല്‍ബിര്‍റ് ഇസ്‌ലാമിക് പ്രീസ്‌കൂളുകള്‍ 2019-20 അധ്യയന വര്‍ഷം ആരംഭിക്കുന്നതിന് തെരഞ്ഞെടുക്കപ്പെട്ട മാനേജ്‌മെന്റുകളുടെ സംസ്ഥാനതല സംഗമം 'ടീം സമ്മിറ്റ് 19'ഇന്ന് രാവിലെ 9 മണി മുതല്‍ വൈകിട്ട് 5 വരെ കോഴിക്കോട് മലബാര്‍ ഇന്‍ ഹോട്ടലില്‍ നടക്കും.
നിബന്ധനകള്‍ പാലിച്ച് പ്രവര്‍ത്തന സജ്ജമായ സ്‌കൂളുകളുടെ മാനേജ്‌മെന്റ് പ്രതിനിധികളാണ് ടീം സമ്മിറ്റില്‍ പങ്കെടുക്കേണ്ടത്. പരിപാടി സംസ്ഥാന അല്‍ബിര്‍റ് ചെയര്‍മാന്‍ സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും. ഉമര്‍ ഫൈസി മുക്കം അധ്യക്ഷനാകും. ഡോ.എന്‍.എ.എം അബ്ദുല്‍ ഖാദര്‍ മുഖ്യ പ്രഭാഷണം നിര്‍വഹിക്കും. എം.സി മായിന്‍ഹാജി, നാസര്‍ ഫൈസി കൂടത്തായ്, കെ.മോയിന്‍കുട്ടി മാസ്റ്റര്‍, പി.കെ ഇബ്‌റാഹിംകുട്ടി, ഇസ്മാഈല്‍ മുജദ്ദിദി, ഫൈസല്‍ ഹുദവി പരതക്കാട്, ഹസന്‍ മാസ്റ്റര്‍, എന്‍.കെ അഹ്മദ് മാസ്റ്റര്‍ സംബന്ധിക്കും. അറിയിപ്പ് കൈപ്പറ്റാത്ത മാനേജ്‌മെന്റുകള്‍ സംസ്ഥാന ഓഫിസുമായി ബന്ധപ്പടണം. ഫോണ്‍: 0495 2391517, 8547321018, 8547202717.