കാസര്‍കോട്: 14 മുതല്‍ 16 വരെ  തളങ്കര ഹുദൈബിയ്യ നഗറില്‍ നടക്കുന്ന മദീന പാഷന്‍ എസ്.കെ.എസ്.എസ്.എഫ് ജില്ലാ സമ്മേളനത്തിന്റെ പ്രചരണാര്‍ഥം എസ്.കെ.എസ്.എസ്.എഫ് കാസര്‍കോട് മേഖലാ കമ്മിറ്റി സംഘടിപ്പിക്കുന്ന സ്‌നേഹ സന്ദേശ യാത്ര ഇന്നു തുടങ്ങും.
സയ്യിദ് എന്‍.പി.എം ഫസല്‍ ഹാമിദ് കോയമ്മ തങ്ങള്‍ യാത്ര നയിക്കും. ഇര്‍ഷാദ് ഹുദവി ബെദിര, ഫാറൂഖ് ദാരിമി കൊല്ലമ്പാടി, ഹനീഫ് മൗലവി ഉളിയത്തടുക്ക,സുഹൈല്‍ ഫൈസി കമ്പാര്‍, അശ്‌റഫ് റഹ്മാനി ചൗക്കി, പി.എ ജലീല്‍ ഹിദായത്ത് നഗര്‍, ജാഫര്‍ ബുസ്ത്താനി പട്ട്‌ള, ആരിഫ് റഹ്മാന്‍ ഹുദവി,സാലിം ചുടു വളപ്പില്‍, ശഫീഖ് ഖാസി ലൈന്‍, ലത്തീഫ് കൊല്ലമ്പാടി, ശബീര്‍ തളങ്കര, നൗഫല്‍ എസ്.പി നഗര്‍ എന്നിവര്‍ ജാഥാംഗങ്ങളാണ്. ഹാരിസ് ബെദിര ഡയരക്ടറും ശിഹാബ് അണങ്കൂര്‍ കോഡിനേറ്ററുമാണ്.
സ്‌നേഹ സന്ദേശയാത്ര ഇന്നു രാവിലെ ഒന്‍പതിനു മാലിക്ക് ദീനാര്‍ പരിസരത്തു നിന്നു പ്രയാണം ആരംഭിക്കും. രാത്രി എട്ടിനു ബെദിരയില്‍ സമാപിക്കും. വിവിധ കേന്ദ്രങ്ങളില്‍ നടക്കുന്ന സ്വീകരണ യോഗങ്ങള്‍ എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ് ഇബ്രാഹിം ഫൈസി ജെഡിയാര്‍, താജുദ്ധീന്‍ ദാരിമി പടന്ന, ഹാരിസ് ദാരിമി ബെദിര, സുഹൈര്‍ അസ്ഹരി പള്ളങ്കോട്, തയലങ്ങാടി ഖത്തീബ് നാസര്‍ ഫൈസി, കൊല്ലമ്പാടി ഖത്തീബ് അബു നബ്ഹാന്‍ അസ്ഹരി, എസ്.വൈ.എസ് ജില്ലാ ഉപാധ്യക്ഷന്‍ എസ്.പി സലാഹുദ്ധീന്‍, മണ്ഡലം സെക്രട്ടറി എം.എ ഖലീല്‍, ജില്ലാസെക്രട്ടറി യു സഹദ് ഹാജി, സമസ്ത എംപ്ലോയിസ് സെക്രട്ടറി സിറാജുദ്ധീന്‍ ഖാസിലൈന്‍, യു ബഷീര്‍ ഉളിത്തടുക്ക, മദ്‌റസ മാനേജ്‌മെന്റ് സെക്രട്ടറി സത്താര്‍ ഹാജി അണങ്കൂര്‍, കെ.എം സൈനുദ്ധീന്‍ ഹാജി കൊല്ലമ്പാടി, സി.എ അബ്ദുല്ല കുഞ്ഞി തുടങ്ങിയവര്‍ ഉദ്ഘാടനം ചെയ്യും. അബ്ദുസമദ് മൗലവി, അമീന്‍ ഹുദവി, അബൂബക്കര്‍ ഹുദവി, രിഫാഇ മൗലവി സംസാരിക്കും.