വടകര: പതിയാരക്കര പുതുക്കുടിയില്‍ മുസ്‌ലിം ലീഗ് സ്ഥാപിച്ച കൊടിമരവും പതാകയും സാമൂഹ്യദ്രോഹികള്‍ നശിപ്പിച്ചു. ഇതിനു മുന്‍പും ഇവിടെ കൊടിമരം നശിപ്പിച്ചിരുന്നു. സമാധാനാന്തരീക്ഷം നിലനില്‍ക്കുന്ന ഇവിടെ മനപ്പൂര്‍വം പ്രശ്‌നം സൃഷ്ടിക്കാനുള്ള ശ്രമത്തിന്റെ ഭാഗമാണ് ഇതെന്നും പ്രതികളെ എത്രയുംവേഗം നിയമത്തിനു മുന്നില്‍ കൊണ്ടുവരണമെന്നും കുറ്റ്യാടി മണ്ഡലം മുസ്‌ലിം ലീഗ് ജനറല്‍ സെക്രട്ടറി പി.എം അബൂബക്കര്‍ ആവശ്യപ്പെട്ടു.
ശിഹാബ് തങ്ങള്‍ സ്റ്റഡി സെന്ററില്‍ ചേര്‍ന്ന പ്രതിഷേധയോഗം ഉദ്ഘാടനം ചെയ്യുകയായിരുന്നു അദ്ദേഹം. പറമ്പത്ത് കുഞ്ഞബ്ദുള്ള അധ്യക്ഷനായി. കെ. അബ്ദുല്‍ സലാം, മേയന അബൂബക്കര്‍ സംസാരിച്ചു. സംഭവത്തില്‍ പൊലിസ് അന്വേഷണം തുടങ്ങി.