കൊച്ചി: പ്രവാസികളെ തിരിച്ചുകൊണ്ടുവരാന്‍ ഏര്‍പ്പെടുത്തിയ വിമാനത്തിന്റെ സമയക്രമത്തില്‍ മാറ്റം. നാളെ കൊച്ചിയിലേക്ക് വരാനിരുന്ന ദോഹ- കൊച്ചി വിമാനം ശനിയാഴ്ചത്തേക്കാണ് റിഷെഡ്യൂള്‍ ചെയ്തത്.

സമയക്രമത്തില്‍ മാറ്റം വന്നതോടെ, നാളെ മൂന്ന് വിമാനങ്ങളാവും കേരളത്തിലേക്ക് എത്തുക. കൊച്ചിയിലേക്ക് ഒരു വിമാനം മാത്രം. അബുദാബിയില്‍ നിന്നുള്ള വിമാനമാണ് കൊച്ചിയിലേക്ക് വരുന്നത്. മറ്റ് രണ്ട് സര്‍വിസുകള്‍ കോഴിക്കോട്ടേക്കുമാണുളളത്. ഓരോ വിമാനങ്ങളിലും 200 യാത്രക്കാര്‍ വീതമായിരിക്കും നാട്ടിലെത്തുക. നെടുമ്പാശ്ശേരിയില്‍ ആദ്യ ഘട്ടത്തില്‍, 10 വിമാനങ്ങളിലായി 2150 പ്രവാസികളാണ് എത്തുക. മടങ്ങിയെത്തുന്നവരെ നിരീക്ഷണത്തിലാക്കാന്‍ 4000 വീടുകളും സജ്ജമാക്കിയിട്ടുണ്ട്.