എരുമപ്പെട്ടി: വായന പക്ഷാചരണത്തിന്റെ ഭാഗമായി സ്‌കൂള്‍ അങ്കണത്തില്‍ തീര്‍ത്ത അക്ഷരയാനം ശ്രദ്ദേയമായി. പന്നിത്തടം ചിറ മനേങ്ങാട് കോണ്‍കോഡ് സ്‌കൂളില്‍ പ്രതീകാത്മകമായി നിര്‍മിച്ച അക്ഷര യാനമാണ് കാഴ്ചക്കാരുടെ ശ്രദ്ധയാകര്‍ഷിച്ചത്.
വിവിധ ഭാഷകളിലെ അടിസ്ഥാന അക്ഷരങ്ങള്‍ കൊണ്ടലങ്കരിച്ച അക്ഷര യാനത്തിന്റെ വാതായനങ്ങള്‍ തുറന്ന് വിദ്യാര്‍ഥികള്‍ സഞ്ചരിച്ചു. കലാധ്യാപകന്‍ ഷനില്‍ മാധവിന്റെ നേതൃത്വത്തിലാണ് പായക്കപ്പലിന്റെ മാതൃകയില്‍ അക്ഷര യാനം നിര്‍മിച്ചത്.
തൃശൂര്‍ യുവകലാ സാഹിതി പ്രസിഡന്റും എന്‍.വി. കൃഷ്ണവാരിയര്‍ അവാര്‍സ് ജേതാവുമായ ഹനീഫ കൊച്ചന്നൂര്‍ വിവിധ വര്‍ണങ്ങളിലുള്ള ബലൂണുകള്‍ ആകാശത്തിലേക്ക് പറന്നിക്കൊണ്ട് ഉദ്ഘാടന കര്‍മം നിര്‍വഹിച്ചു.മാനേജര്‍ ആര്‍.എം.ബഷീര്‍ അധ്യക്ഷനായി. പ്രിന്‍സിപ്പാള്‍ ബീന ഉണ്ണി, സ്റ്റാഫ് സെക്രട്ടറി എ.വി.ഗഫൂര്‍ സംസാരിച്ചു.