കോഴിക്കോട്: നാലു ദിവസമായി കാലിക്കറ്റ് ഗേള്‍സ് ഹൈസ്‌കൂളില്‍ നടന്നുകൊണ്ടിരുന്ന 'ആല്‍ഫ'വെക്കേഷന്‍ ക്ലാസുകള്‍ സമാപിച്ചു.വൈ.റ്റി.ഐ ഇന്നോവേഷന്‍സിന്റെ ആഭിമുഖ്യത്തില്‍ ഒന്‍പതാം തരം വിദ്യാര്‍ഥികള്‍ക്ക് വേണ്ടിയായിരുന്നു ക്ലാസുകള്‍.
കമ്മ്യൂണിക്കേഷന്‍ സ്‌കില്‍സ് ഇന്‍ ഇംഗ്ലീഷ്, പബ്ലിക്ക് സ്പീക്കിങ്, ക്രിയേറ്റീവ് റൈറ്റീങ് എന്നിവയായിരുന്നു മുഖ്യവിഷയങ്ങള്‍.
രസകരമായ പരിശീലനത്തിലൂടെ ഇംഗ്ലീഷ് ഭാഷ അടുത്തറിയാന്‍ വേണ്ടിയായിരുന്നു ക്ലാസുകള്‍. സ്‌കൂളിലെ അധ്യാപകനായ അഫ്‌സല്‍ ഉദ്ഘാടനം ചെയ്തു. വൈ.റ്റി.ഐ ഇന്നോവേഷന്‍ സി.ഇ.ഒ മുഹമ്മദ് അനസ് അധ്യക്ഷനായി.
പരിശീലകരായ ബിലാല്‍ ഷിബിലി, മുഹമ്മദ് കന്‍സ്, അമൃത അരവിന്ദ്, ഹസീന ഹബീബ്, വഹീദ കെന്‍സാ, ജിനു എലിസബത്ത്, അഷിക റഫി, ഫഹിം ബറാമി,ഹബീല്‍ ബെന്‍ഹാം, ഇസ്ഹാക്ക്, റിശാദ്, സെയ്ഫലി,ഫാത്തിമ സഹ്‌റ ബത്തൂല്‍, ആതിര, ദിയ,അഷിത എന്നിവര്‍ ക്ലാസുകള്‍ക്ക് നേതൃത്വം നല്‍കി.