ബാലുശ്ശേരി: ഇതര സംസ്ഥാന തൊഴിലാളികളെ കേന്ദ്രീകരിച്ച് ബാലുശ്ശേരി എക്‌സൈസ് നടത്തിയ റെയ്ഡില്‍ കഞ്ചാവുമായി രണ്ടുപേര്‍ അറസ്റ്റിലായി.
അസം സ്വദേശികളായ രണ്ടുപേരാണ് പിടിയിലായത്.ഇതര സംസ്ഥാനങ്ങളില്‍നിന്നു ബാലുശ്ശേരിയുടെ വിവിധ ഭാഗങ്ങളിലേക്ക് ലഹരി ഉല്‍പന്നങ്ങള്‍ കൊണ്ടുവരുന്നുവെന്ന വിവരത്തെ തുടര്‍ന്ന് നടത്തിയ റെയ്ഡിലാണ് ഇരുവരും പിടിയിലായത്.
പൂനൂര്‍ മാര്‍ക്കറ്റ് റോഡിലും ബാലുശ്ശേരി ബസ് സ്റ്റാന്‍ഡ് പരിസരത്തും വില്‍പന നടത്തുന്നതിനിടയിലാണ് എക്‌സൈസ് ഇന്‍സ്‌പെക്ടര്‍ ആര്‍.എന്‍ ബൈജുവും സംഘവും ഇവരെ പിടികൂടിയത്.